Англия терма жамоаси собиқ ҳужумчиси Алан Ширер жаҳон чемпионатлари тарихида инглизларнинг энг яхши тўпурарига айланган Ҳарри Кейннинг ушбу муваффақияти ҳақида ўз фикрларини билдирди.

«Бу шунчаки ақл бовар қилмас натижа. У даҳшатли тўпурар. Ўзи ўрнатган стандартлар ва ҳафтама-ҳафта кўрсатаётган даражаси — шунчаки лол қолдиради.

Ҳарри ушбу турнирга клуб миқёсида 61 та гол урган ҳолда етиб келди. Бу жуда ҳайратланарли кўрсаткич. Мен 80-йилларнинг охири ва 90-йилларнинг бошларида фаолиятимни бошлаган пайтларимда, агар мавсумда 20 та гол урсанг, бу жуда катта ва таъсирли натижа ҳисобланарди.

Ҳозир эса бу йигитлар, ва Ҳарри уларнинг орасида алоҳида ажралиб туради, сермаҳсулликни мутлақо бошқа даражага олиб чиқишмоқда. У ажойиб профессионал ва буларнинг барчасига тўла лойиқдир», — деди Ширер.