Колумниялик фахрий футболчи яқинда майдонда португалиялик бошқа бир фахрий — «Реал Мадрид»даги собиқ жамоадоши билан учрашди. Гап, албатта, Хамес Родригес ва Криштиану Роналду ҳақида бормоқда. Хамес Американинг машҳур ESPN нашрига берган интервьюсида ўша пайтларда португалиялик юлдуз билан бўлган дўстлиги ҳақида гапириб берди.
«Криштиану — менинг яқин дўстим. «Реал»да бирга ўйнаган пайтларимизда, мен доим унинг уйида бўлардим. У 41 ёшида ҳам ҳақиқий футбол гиганти ҳисобланади. Унга чин қалбимдан энг эзгу тилакларимни тилаб қоламан», — дея таъкидлади Хамес.
Эслатиб ўтамиз, Хамес Родригес Мадриднинг «Реал» клубини 2020 йилда — Криштиану Роналду кетганидан икки йил ўтиб тарк этган эди.
