Германия терма жамоаси бош мураббийи Юлиан Нагельсманн машғулотлар жараёнидан ташқарида футболчилар билан деярли гаплашмаяпти. Бу ҳақда Bild нашрига таяниб Daily Mail хабар тарқатди.

Манбанинг маълум қилишича, футболчилар мутахассиснинг ўйинлар олдидан уларни «мавҳумликда ушлаб тургани»дан хавотир билдиришган. Нагельсманн матбуот анжуманида ЖЧ-2026 доирасидаги Эквадорга қарши учрашув (1:2) учун таркибга фақатгина кичик ўзгартиришлар киритишини айтганда, жамоа аъзолари бундан ҳайратда қолишган.

Гап шундаки, ўйин олдидан ўтказилган сўнгги машғулотда Нагельсманн Флориан Виртц, Лерой Сане ва Максимилиан Байердан иборат ҳужум учлигини синаб кўрган эди, бироқ учрашувнинг старт таркибида Байернинг ўрнига Жамал Мусиалани майдонга туширди.

Эквадордан учралган мағлубиятдан сўнг, Нагельсманн футболчиларга жамоадаги «ҳар бир ижрочига имконият» бермоқчи бўлганини айтган.

Эслатиб ўтамиз, Жаҳон чемпионатининг 1/16 финалида Германия терма жамоаси Парагвайга қарши баҳс олиб боради.