Португалия терма жамоаси футболчиси Жоау Феликс майдонда Криштиану Роналду билан ўзаро бир-бирини тушуниши ҳақидаги саволга жавоб берди.
Вингер журналистларга 41 ёшли Роналду нафақат терма жамоада, балки клуб даражасида ҳам — Саудия Арабистонининг «Ан-Наср» клубида унинг жамоадоши эканлигини эслатиб ўтди.
«Биз бутун бир мавсум давомида бирга ўйнадик — бу анча узоқ вақт. Бу давр ичида жамоадошингни жуда яхши таниб оласан. Унга нима кераклигини тушуна бошлайсан. Биз майдонда жуда яхши ҳамкорлик қиляпмиз. У мен тўпни қаерда қабул қилишни яхши кўришимни билади, мен ҳам унинг хоҳишларини яхши тушунаман», — дея Феликснинг сўзларини келтиради Record нашри.
Эслатиб ўтамиз, Жаҳон чемпионати — 2026 нинг 1/16 финалида Португалия терма жамоаси Хорватияга қарши баҳс олиб боради. Ушбу учрашув 3 июль куни бўлиб ўтади.
