Бразилия терма жамоаси Жаҳон чемпионатининг 1/16 финалида японларни 2:1 ҳисобида мағлуб этди. Бу «пентакампеонлар»га Жаҳон чемпионатлари доирасидаги ўзларига хос бўлган ноёб серияни давом эттириш имконини берди.

Бразилияликлар кетма-кет 23-марта сайёра биринчилигида иштирок этишмоқда. Шу вақт ичида улар ҳар сафар мунтазам равишда энг кучли 16 та жамоа қаторидан жой олишган. «Селесао» ўз иштироклари тарихида фақат икки мартагина чорак финалга чиқа олишмаган: 1934 йилда Испанияга (1:3) ва 1990 йилда Аргентинага (0:1) имкониятни бой беришган.

Жамоа беш марта Жаҳон чемпиони бўлган (1958, 1962, 1970, 1994, 2002), икки марта кумуш (1950, 1998) ва икки марта бронза (1938, 1978) медалларини қўлга киритган.

Карло Анчелотти шогирдларининг жорий турнир 1/8 финалидаги рақиби Кот-д'Ивуар – Норвегия учрашувидан сўнг аниқ бўлади.