Германия терма жамоаси таркибида 2014 йилги жаҳон чемпиони Матс Хуммельс жамоанинг ЖЧ-2026 1/16 финалида Парагвайдан учраган мағлубиятидан сўнг (1:1, пенальтилар бўйича — 3:4) ўз фикрларини билдирди.
«Агар масъул шахслар нуқтаи назаридан қарайдиган бўлсак, бу шунчаки даҳшатли вазият. Бундан бошқача айтиб бўлмайди. Охирги 3 йил ичида бизда уйдаги Евро, уйдаги Миллатлар лигаси ва кўплаб иштирокчилардан иборат ушбу турнир (ЖЧ) бўлди.
Уйдаги Евро ҳақида ҳали ҳам ҳаддан ташқари кўп гапиришмоқда. Қолган иккита турнир эса ҳафсалани пир қилди. Буни терма жамоа мураббийи ҳам, федерация ҳам муҳокама қилиши керак. Ҳеч бўлмаганда қандайдир баҳс-мунозаралар бўлиши шарт. Бундан бошқача бўлиши мумкин эмас. Футбол — жуда рақобатдош спорт тури.
Футболчиларга келсак, баъзилар терма жамоадан ўзи кетишини тасаввур қила оламан. Аммо, шунингдек, жамоа таркибида тўртта, бешта ёки олтита турнирда қатнашиб улгурган 30 ёш атрофидаги футболчилар бўйича ҳам қарорлар қабул қилиниши керак деб ҳисоблайман. Уларда яхши натижаларга эришиш имконияти бор эди, лекин буни уддалай олишмади.
Балки бу футболчилар ҳақида ўйлаб кўриш керакдир. Евро-2016дан кейин бирорта ҳам кучли турнир бўлмади — мен учун бу шунчаки тасодиф эмас. Гап бутун бир ўн йиллик ҳақида кетмоқда.
Ҳамма нарса биринчи навбатда футболчилардан бошланади. Бу вақт ичида бизда аллақачон бир нечта мураббий алмашди. Мен баъзи футболчилар терма жамоадаги фаолиятини ўзлари якунлашини кутяпман. Шу билан бирга, бош мураббий ҳам — ҳозиргисими ёки янгисими — ниманидир ҳал қилиши керак», — деди Хуммельс.
