Франция терма жамоаси ва «Бавария» марказий ҳимоячиси Дайо Упамекано мураккаб саволга жавоб берди. Журналист Флориан Плеттенберг футболчидан терма жамоадаги шериги Килиан Мбаппе ва клубдаги жамоадоши Гарри Кейн ўртасида бирини танлашни сўради, бироқ у аниқ бир қарорга кела олмади.
«Менга «Бавария»да Кейн билан бирга ўйнаш жуда ёқади. Аммо бу ерда, Франция терма жамоасида ҳам ажойиб ҳужум чизиғига эгамиз ва бу албатта қувонарли ҳол», — деди Упамекано табассум билан.
Французлар жаҳон чемпионатининг 1/16 финалида Килиан Мбаппенинг дубли эвазига Швеция устидан ғалаба қозонишди (3:0). Мадриднинг «Реал» клуби форварди турнирда урган олтита голи билан Лионель Месси қаторида тўпурарлар пойгасида пешқадамлик қилмоқда.
Харри Кейн эса ўз ҳисобига учта гол ёздириб қўйишга улгурган, бироқ унинг жамоаси — Англия терма жамоаси плей-оффнинг илк босқичида ДР Конгога қарши учрашувини ҳали ўтказгани йўқ.
