Fransiya terma jamoasi va «Bavariya» markaziy himoyachisi Dayo Upamekano murakkab savolga javob berdi. Jurnalist Florian Plettenberg futbolchidan terma jamoadagi sherigi Kilian Mbappe va klubdagi jamoadoshi Garri Keyn o‘rtasida birini tanlashni so‘radi, biroq u aniq bir qarorga kela olmadi.
«Menga «Bavariya»da Keyn bilan birga o‘ynash juda yoqadi. Ammo bu yerda, Fransiya terma jamoasida ham ajoyib hujum chizig‘iga egamiz va bu albatta quvonarli hol», — dedi Upamekano tabassum bilan.
Fransuzlar jahon chempionatining 1/16 finalida Kilian Mbappening dubli evaziga Shvesiya ustidan g‘alaba qozonishdi (3:0). Madridning «Real» klubi forvardi turnirda urgan oltita goli bilan Lionel Messi qatorida to‘purarlar poygasida peshqadamlik qilmoqda.
Xarri Keyn esa o‘z hisobiga uchta gol yozdirib qo‘yishga ulgurgan, biroq uning jamoasi — Angliya terma jamoasi pley-offning ilk bosqichida DR Kongoga qarshi uchrashuvini hali o‘tkazgani yo‘q.
