Билол Эл-Ҳаннус доимий асосда «Штутгарт» клуби аъзосига айланди.
«Лестер» клуби немис жамоаси 22 ёшли ярим ҳимоячини ижара муддати тугаганидан сўнг сотиб олиш ҳуқуқидан (опциясидан) фойдаланганини эълон қилди. Аввалроқ, ушбу тўлиқ трансфер «шваблар»га бонуслар билан биргаликда 25 миллион еврога тушиши хабар қилинган эди.
Бундеслиганинг ўтган мавсумида Эл-Ханнус 25 та ўйинда майдонга тушиб, 4 та гол урди ва 5 та голли узатмани амалга оширди.













