«Интер» клуби «Удинезе» ҳимоячиси Умар Соле бўйича олиб борилаётган музокаралардаги фаоллигини пасайтирди. Бу ҳақда Calciomercato нашри хабар бермоқда.

Манбанинг хабарига кўра, «Интер» 26 ёшли франциялик футболчи учун тахминан 20 миллион евро таклиф қилишга тайёр эди, бироқ «Удинезе» 30 миллион евродан кам бўлмаган маблағ талаб қилмоқда. Миланликлар ушбу суммани, айниқса Соле келаси ёзда клубни текинга (эркин агент сифатида) тарк этиши мумкинлигини ҳисобга олган ҳолда, ҳаддан ташқари юқори деб ҳисоблашмоқда.

Шунингдек, ҳимоячининг жисмоний ҳолати ҳам қўшимча шубҳаларни юзага келтирмоқда. «Интер» раҳбарияти футболчининг тизза бўғимида сурункали муаммолар бўлиши мумкинлигидан хавтирда.

Солега, шунингдек, «Комо» клуби ҳам қизиқиш билдирмоқда. Бундан ташқари, иккала клуб ҳам «Челси» ҳимоячиси Трево Чалобанинг ҳолатини кузатиб боришмоқда, лондонликлар уни тахминан 40 миллион еврога баҳолашган.