Лондоннинг «Арсенал» клуби 26 ёшли ҳимоячиси Якуб Кивёр «Порту»га ўтди. Бу ҳақда «канонирлар» матбуот хизмати жамоанинг расмий сайтида хабар бермоқда.
«Арсенал»даги барча Якубга клубга қўшган ҳиссаси ва бу ерда ўтказган вақти учун миннатдорчилик билдиради ҳамда унга келажакдаги фаолиятида энг яхши тилакларни тилаб қолади», — дейилади «Арсенал» матбуот хизмати баёнотида.
Кивёр якунланган мавсумни Португалия клубида ижара асосида ўтказди. Манбанинг хабарига кўра, португал клуби футболчини сотиб олиш ҳуқуқидан (опциясидан) фойдаланган. Келишув суммаси 17 миллион еврони ташкил этди. Шартнома 2030 йилга қадар мўлжалланган.
Кивёр 2023 йилнинг қишки трансфер ойнасида «Специя»дан «Арсенал»га кўчиб ўтган эди. Ушбу давр мобайнида у 68 та ўйинда майдонга тушиб, 3 та гол урди ва 5 та голли узатмани амалга оширди. Transfermarkt порталида тақдим этилган маълумотларга кўра, футболчининг айни пайтдаги трансфер қиймати 35 миллион еврони ташкил қилади.
