Германия терма жамоаси Жаҳон чемпионати–2026 билан хайрлашганидан сўнг мухлисларига мурожаат йўллади. Немислар 1/16 финалда Парагвайга қарши баҳсда 1:1 ҳисобида дуранг ўйнаб, пенальтилар сериясида 3:4 ҳисобида мағлуб бўлиб, мусобақани тарк этди.
Германия терма жамоаси матбуот хизмати қуйидаги баёнот билан чиқди:
«Азиз мухлислар! Бу йилги Жаҳон чемпионати уйимиздан жуда узоқда ўтди. Аммо сизлар ҳамиша бизнинг ёнимизда бўлдингиз. Сизлар бизга баланд овозда далда бердингиз ва биздан кўпроқ нарса кутдингиз.
Афсуски, майдонда олдимизга қўйилган мақсадларга яқин ҳам бора олмадик. Бу жамоа аслида нималарга қодир эканини кўрсата олмадик. Натижада муносиб тарзда, аммо жуда эрта мусобақани тарк этдик.
Биз бу йўлни сизлар билан бирга босиб ўтишни ва Германияни биз билан фахрлантиришни истагандик. Аммо бу сафар жамоа сифатида бунинг уддасидан чиқа олмадик. Бу ҳолат биз учун ҳам оғир. Худди кўпчилик мухлисларимиз каби биз ҳам қаттиқ изтиробдамиз.
Ўйинимизга нисбатан билдирилаётган танқидларни қабул қиламиз. Улар асосли ва спортнинг ажралмас қисми ҳисобланади. Аммо футболда нафратга ўрин йўқ. Биз ирқчилик ёки ҳар қандай камситиш кўринишларига тоқат қилмаймиз. Футбол — бу бирдамлик ва ҳамжиҳатлик, бўлиниш эмас.
Биз билан бирга бўлган ва қўллаб-қувватлаган барчага раҳмат. Беқиёс ёрдамингиз учун ташаккур. Биз сизлар билан биргаликда янада кучлироқ бўлиб қайтамиз.
Сизнинг миллий терма жамоангиз».
