Франция терма жамоаси собиқ сардори Мишель Платини миллий жамоа ярим ҳимоячиси Майкл Олисе ва унинг Дидье Дешам тактикасидаги ўрни ҳақида ўз фикрлари билан ўртоқлашди.

«Майкл Олисе ҳақиқатан ҳам аввалгидек ҳақиқий "ўнлик" бўлиш учун барча фазилатларга эга. Замонавий футбол ижодкорларни қанотларга жойлаштиришга мойил: клубда Олисе ҳам, худди шундай узатмаларни амалга ошира оладиган Ламин Ямаль каби ўнгда ўйнайди. Аммо Дидье Дешам, ва мураббийнинг ақли айнан шу ерда намоён бўлади, ўз ўйинчиларининг фазилатларига мослашишга муваффақ бўлди ва яна "ўнлик" билан ўйнайдиган мураббийга айланди. Улар Олисе нимани кўришини билишади. Мбаппе Олисе қаерга пас беришини жуда яхши тушунади, чунки улар бир тилда гаплашишади. Бу ўйинчиларнинг футбол интеллектидир. Ва Олисе ҳам шериклари унинг фикрларини ўқий олишларини билади. Бу биз авваллари кўп кўрмаган, лекин Олисе қайтадан юзага чиқараётган боғланишдир», — дея Платинининг сўзларини L'Équipe келтирмоқда.

Якунланган мавсумда Олисе Мюнхеннинг «Бавария»си сафида 57 та ўйин ўтказиб, 25 та гол урди ва 28 та голли узатмани амалга оширди. У клуб билан Бундеслига ва Германия кубогини қўлга киритди, жамоада йил ўйинчиси ва Германия чемпионатининг энг яхши футболчиси деб топилди.

Франция терма жамоаси 2026 йилги Жаҳон чемпионатида ўз иштирокини давом эттирмоқда ва 1/8 финал доирасидаги Парагвайга қарши ўйинга тайёргарлик кўрмоқда.