«Манчестер Сити» клуби расмий сайти орқали «Ноттингем Форест» ярим ҳимоячиси Эллиот Андерсоннинг трансфери бўйича келишувга эришилганини тасдиқлади.
23 ёшли футболчи айни пайтда Англия терма жамоаси билан Жаҳон чемпионати–2026да иштирок этмоқда. У Канзас шаҳрида тиббий кўрикдан муваффақиятли ўтган. Трансфер расман Англияга қайтганидан кейин якуний расмийлаштирилади.
Клуб баёнотида шундай дейилган:
«Манчестер Сити»даги барча Эллиот ва Англия терма жамоасига Жаҳон чемпионатида омад тилайди ҳамда уни Манчестерда қарши олишни интиқлик билан кутмоқда».
Андерсон «Ньюкасл» академияси тарбияланувчиси ҳисобланади. У 2024 йилда 15 миллион фунт стерлинг эвазига «Ноттингем Форест» сафига қўшилган эди.
Ўтган мавсумда ярим ҳимоячи Англия Премьер-лигасида 38 та учрашувда майдонга тушиб, 4 та гол урди ва 4 та голли узатмани амалга оширди.
Инсайдерлар маълумотига кўра, трансфер суммаси 135 миллион еврони ташкил этган.













