Испания терма жамоаси вингери Ламин Ямал ЖЧ-2026 мусобақасининг 1/8 финалига йўлланма олганлари ҳақида ўз фикрларини билдириб ўтди.
Испанлар Австрия терма жамоасини 3:0 ҳисобида тор-мор этишди. Кейинги босқичда улар Хорватияни (2:1) мағлуб этган Португалия терма жамоасига қарши майдонга тушишади.
"Биз ўйинимиз сифатини, шиддатини, умуман олганда ҳамма нарсани оширишда давом этишимиз керак. Бироқ биз ўз даражамизни биламиз ва ҳеч қайси терма жамоадан қўрқмаймиз. Биз — Испаниямиз ва буни майдонда исботлашимиз шарт. Ўзимизга бўлган ишончимиз юқори.
Албатта, Криштиануга қарши майдонга тушиш мен учун шараф бўларди. Аммо ҳозир хаёлимда фақат бизнинг ўйинда ғалаба қозониш бор ва нариги жуфтликдан бизга қарши ким чиқишининг мен учун умуман аҳамияти йўқ", — деган эди Ямал Португалия ва Хорватия ўртасидаги учрашув бошланишидан аввал.
