Колумбия терма жамоаси марказий ҳужумчиси Жон Кордоба ЖЧ-2026нинг 1/16 финалидан ўрин олган Гана терма жамоасига қарши учрашувнинг бошида захирага олинган эди. Ҳужумчи жароҳати сабабли ўйинни давом эттира олмади.
Клуб миқёсида «Краснодар» шарафини ҳимоя қилувчи тажрибали форварднинг жароҳати тафсилотлари ҳақида инсайдер Пипе Сьерра маълум қилди.
«Кордоба кескин оғриқ ҳис қилган. Унда мушак жароҳати бор. Энди у шифокорлар назорати остида тикланиш жараёнини ўтади. Тез орада унинг жароҳати қанчалик жиддий эканлиги ва Жоннинг турнирдаги иштирокини давом эттира олиш-олмаслиги аниқ бўлади», — дейилади журналистнинг ижтимоий тармоқдаги хабарида.
Эслатиб ўтамиз, ушбу учрашув колумбияликларнинг 1:0 ҳисобидаги минимал ғалабаси билан якунланган эди.
