Лондоннинг "Челси" клуби бош мураббийи Жозе Моуриньо Португалия, Англия, Италия ва Испаниядаги фаолиятидан орттирган тажрибасидан келиб чиқиб айрим фикрларини билдиришни жоиз деб топди.

"Ҳал қилувчи нуқта шуки, биз турган даражамизда ўрганишнинг ягона усули - тажриба тўплашдир. Биз мураббийлар ўйинлар вақти захира ўриндиғидаги ва ҳар кунги машғулотлар бизга бераётган тажрибадан билим ола олишимиз керак. Бунда мураббийлик курсларига ҳожат йўқ, ўқитувчилар ҳам, ўз муаммоларимизни ўтириб муҳокама қиладиган давралар ҳам шарт эмас. Биз ўзимиз ишимизга қизиқишимизни сўндирмаслигимиз керак. Иштиёқ эмас, айнан ўқишни давом эттиришга хоҳишимизни назарда тутяпман", деди Моуриньо.

УЕФА расмий сайти ходимларининг "Челси" хусусида берган саволларига мураббий қуйидагича жавоб берди: "Жамоамиздаги ёш ўйинчилар жуда истеъдодли. Аммо жамоадаги мувозанатни ушлаб туриш учун уларни ёши катта футболчиларимиз билан бирга ўйнатамиз. Бизга ҳаммалари муҳим. Жамоада анчадан буён ўйнаб келаётган буюк футболчилар етарлича, аммо ҳозир таркибимиз анча ёш. Ўйинчиларимизнинг аксарияти улкан истеъдод ва салоҳиятга эга болалардир.

Бу жамоа менинг жамоам. Мен мураббийман, яна "Челси"нинг мухлиси ҳам", дея таъкидлади португалиялик мутахассис.