«Манчестер Юнайтед» клуби ва Аргентина терма жамоаси ҳимоячиси Лисандро Мартинес ўз вақтида фаолиятини якунлаш ҳақида жиддий ўйлаганини тан олди.
«Ўтган йили хочсимон боғламларимни йиртиб олганимдан кейин футболдан кетиш ҳақида ўйлаган эдим. Бошқа азоб чекишни истамагандим. Бутунлай тушкунликка тушиб қолгандим, бироқ кейин қизим дунёга келди. Бу лаҳза ҳамма нарсани ўзгартириб юборди. Мен рафиқамнинг кўзи ёриши жараёнини, бу унга қанчалик катта куч ва машаққат эвазига бўлганини ўз кўзим билан кўрдим. Шундан сўнг ўзимга-ўзим дедим: қандай қилиб бундан кейин мен таслим бўлишим мумкин?» — дея Мартинеснинг сўзларини журналист Фабрицио Романо келтиради.
Эслатиб ўтамиз, аввалроқ Аргентина терма жамоаси Кабо-Вердени мағлуб этиб, ЖЧ-2026нинг 1/8 финалига йўл олган эди. Лисандро ушбу учрашувда майдонда тўлиқ 120 дақиқа ҳаракат қилди, битта гол урди ва Мессининг голига ассистентлик қилди.
Кейинги раундда аргентиналиклар Миср терма жамоаси билан тўқнаш келишади. Учрашув 7 июль куни бўлиб ўтади.
