Парагвай терма жамоаси футболчилари Жаҳон чемпионати баҳсларида 1998 йилдан буён илк бор бирорта ҳам сариқ карточка олишмади. Ўша пайтда жамоа шарафини ҳали афсонавий дарвозабон Хосе Луис Чилаверт ҳимоя қилар эди.

ЖЧ–2026 мусобақасининг 1/8 финалидан ўрин олган Францияга қарши учрашув 1:0 ҳисобида рақиб фойдасига ҳал бўлди. Ўйиндаги ягона голни пенальтини аниқ амалга оширган Килиан Мбаппе киритди.

Эътиборли жиҳати шундаки, роппа-роса 28 йил аввал ҳам парагвайликлар айнан 1/8 финалда французларга худди шундай ҳисобда имкониятни бой бериб, мусобақадан чиқиб кетишган эди.

Ўша пайтларда қўшимча бўлимларда «олтин гол» қоидаси амал қиларди. Агар жамоалардан бири гол урса, худди хоккейдаги овертайм каби ўйин муддатидан олдин якунланар эди. 1998 йилги баҳснинг 119-дақиқасида Лоран Блан французларга ғалаба келтирган ва якунда Эме Жаке шогирдлари ўз тарихларида илк бор Жаҳон чемпионлигини қўлга киритишган эди.