Каталониянинг «Барселона» клуби ва Испания терма жамоаси ярим ҳимоячиси Гави Португалия терма жамоасининг 41 ёшли ҳужумчиси Криштиану Роналду шаънига айтилаётган танқидий фикрларга муносабат билдирди.
«Мен Роналдунинг Португалия терма жамоасидаги ўйини ҳақида кўплаб салбий фикрларни эшитаман. Бироқ футболчилар унга нисбатан жуда катта ҳурмат сақлашади. Криштиану — футбол тарихидаги энг яхши ўйинчилардан бири. У ҳар қандай дақиқада ўйин тақдирини тубдан ўзгартириб юборишга қодир», — дея ярим ҳимоячининг сўзларини Mundo Deportivo нашри келтирмоқда.
Эслатиб ўтамиз, Португалия ва Испания терма жамоалари Жаҳон чемпионати — 2026 мусобақасининг 1/8 финали доирасида ўзаро тўқна келишади.
