Испания терма жамоаси ҳужумчиси Микель Оярсабаль Португалия терма жамоаси форварди Криштиану Роналду ҳақидаги саволга жавоб берди. Душанба, 6 июль куни ЖЧ-2026нинг 1/8 финали доирасида испанлар ва португалияликлар ўртасидаги учрашув бўлиб ўтади.

«Мен фақат Роналду ҳақида ўйлаётганим йўқ. Агар қайсидир алоҳида ўйинчиларга эътибор қаратиш керак бўлса, менинг вазиятимда булар ҳимоячилар бўлиши лозим, чунки майдонда айнан уларга қарши ҳаракат қиламан. Криштианунинг кимлигини ҳеч кимга эслатиб ўтириш шарт эмас. У қандай футболчи эканлигини, фаолияти давомида нималарга эришганини ва қандай ўйнашини ҳамма билади. У шунчаки майдонда пайдо бўлишининг ўзи билан ҳар қандай рақиб учун қанчалик катта хавф туғдириши барчага жуда яхши маълум. Бизга келадиган бўлсак, бор эътиборимизни ўз ўйинимизга қаратганмиз», — деди Оярсабаль журналистлар билан суҳбатда.

Эслатиб ўтамиз, Испания ва Португалия ўртасидаги баҳс Тошкент вақти билан соат 00:00 да старт олади.