Ispaniya terma jamoasi hujumchisi Mikel Oyarsabal Portugaliya terma jamoasi forvardi Krishtianu Ronaldu haqidagi savolga javob berdi. Dushanba, 6 iyul kuni JCH-2026ning 1/8 finali doirasida ispanlar va portugaliyaliklar o‘rtasidagi uchrashuv bo‘lib o‘tadi.

«Men faqat Ronaldu haqida o‘ylayotganim yo‘q. Agar qaysidir alohida o‘yinchilarga e’tibor qaratish kerak bo‘lsa, mening vaziyatimda bular himoyachilar bo‘lishi lozim, chunki maydonda aynan ularga qarshi harakat qilaman. Krishtianuning kimligini hech kimga eslatib o‘tirish shart emas. U qanday futbolchi ekanligini, faoliyati davomida nimalarga erishganini va qanday o‘ynashini hamma biladi. U shunchaki maydonda paydo bo‘lishining o‘zi bilan har qanday raqib uchun qanchalik katta xavf tug‘dirishi barchaga juda yaxshi ma’lum. Bizga keladigan bo‘lsak, bor e’tiborimizni o‘z o‘yinimizga qaratganmiz», — dedi Oyarsabal jurnalistlar bilan suhbatda.

Eslatib o‘tamiz, Ispaniya va Portugaliya o‘rtasidagi bahs Toshkent vaqti bilan soat 00:00 da start oladi.