Испания терма жамоаси форварди Микель Оярсабаль Жаҳон чемпионати — 2026 нинг энг яхши ҳужумчиси деб кимни ҳисоблашини айтди. «Реал Сосьедад» аъзоси турнирда Килиан Мбаппе билан бир қаторда 7 та гол билан тўпурарлик қилиб турган Лионель Мессини алоҳида эътироф этди.
«Мен Мессини тоза ҳужумчи деб айта олмайман, чунки у ўз ўйини билан бутун бошли футболни англатади (у футбол тимсолидир), барибир менинг танловим у бўлади», — деди Оярсабаль El Partidazo de COPE нашрига берган интервьюсида.
Испания терма жамоаси ЖЧ-2026 нинг 1/8 финалида Португалияга қарши майдонга тушади. Учрашув 6 июль куни бўлиб ўтади ва Тошкент вақти билан соат 00:00 да бошланиши режалаштирилган. Эслатиб ўтамиз, 1/16 финалда испанлар Австрияни 3:0 ҳисобида мағлуб этишган эди.
