Парагвай терма жамоаси устози Густаво Альфаро Жаҳон чемпионати — 2026 нинг 1/8 финали доирасида Франция терма жамоасига қарши кечган учрашув юзасидан ўз фикрларини билдирди.
«Французлар ушбу мундиалдаги бундан олдинги ўйинларида 60 дақиқа ичида масалани ҳал қилиб (натижа кўрсатиб) келишаётган эди. Бу галги баҳсда эса, агар ўша 11 метрлик жарима зарбаси бўлмаганида, уларда ҳеч қандай устунлик бўлмасди. Улар бу ғалабага эришиш учун қанчалик катта куч сарфлашганини жуда яхши тушуниб туришибди. Мен жамоамиз кўрсатган ўйиндан фахрланаман», — дея мутахассиснинг сўзларини Ole нашри келтирмоқда.
Эслатиб ўтамиз, учрашув французларнинг 1:0 ҳисобидаги минимал ғалабаси билан якунланди. Ягона гол муаллифи иккинчи бўлим ўрталарида пенальтини аниқ амалга оширган ҳужумчи Килиан Мбаппе бўлди.
