Норвегия терма жамоаси устози Столе Сольбаккен ЖЧ-2026 доирасидаги Бразилияга қарши ўйиндан кутаётган умидлари билан ўртоқлашди. Мутахассис бразилияликлар бошқарувчиси Карло Анчелоттининг ишини юқори баҳолаб, уни футбол тарихидаги энг буюк мураббийлардан бири деб атади. Шу билан бирга, Сольбаккен ўз жамоаси турнирнинг кейинги босқичига чиқиш учун курашиш ниятида эканлигини таъкидлади.
«Карло Анчелотти билан учрашиш мен учун катта шараф. Бироқ бизнинг мақсадимиз — уни мағлуб этиш ва турнирдаги иштирокимизни давом эттириш учун Бразилия устидан ғалаба қозонишдир. Биз фақат ўз имкониятларимизнинг энг юқори чегарасида ўйнасаккина муваффақиятга эриша оламиз. Акс ҳолда, имконият бўлмайди», — дея Сольбаккеннинг сўзларидан иқтибос келтирмоқда ФИФА матбуот хизмати.
Учрашув 6 июль куни бошланади. Ҳакам ушбу қарама-қаршиликдаги баҳс стартини билдирувчи ҳуштагини Тошкент вақти билан соат 01:00 да чалади.
