Norvegiya terma jamoasi ustozi Stole Solbakken JCH-2026 doirasidagi Braziliyaga qarshi o‘yindan kutayotgan umidlari bilan o‘rtoqlashdi. Mutaxassis braziliyaliklar boshqaruvchisi Karlo Anchelottining ishini yuqori baholab, uni futbol tarixidagi eng buyuk murabbiylardan biri deb atadi. Shu bilan birga, Solbakken o‘z jamoasi turnirning keyingi bosqichiga chiqish uchun kurashish niyatida ekanligini ta’kidladi.
«Karlo Anchelotti bilan uchrashish men uchun katta sharaf. Biroq bizning maqsadimiz — uni mag‘lub etish va turnirdagi ishtirokimizni davom ettirish uchun Braziliya ustidan g‘alaba qozonishdir. Biz faqat o‘z imkoniyatlarimizning eng yuqori chegarasida o‘ynasakkina muvaffaqiyatga erisha olamiz. Aks holda, imkoniyat bo‘lmaydi», — deya Solbakkenning so‘zlaridan iqtibos keltirmoqda FIFA matbuot xizmati.
Uchrashuv 6 iyul kuni boshlanadi. Hakam ushbu qarama-qarshilikdagi bahs startini bildiruvchi hushtagini Toshkent vaqti bilan soat 01:00 da chaladi.
