Opta суперкомпьютери 2026 йилги жаҳон чемпионати 1/8 финалидан ўрин олган Бразилия ва Норвегия терма жамоалари ўртасидаги ўйинда кимнинг ғалаба қозониш имкониятлари қандай эканлигини ҳисоблаб чиқди. Бу ҳақда Opta Analyst хабар берди. Учрашув бугун, 5 июль куни бўлиб ўтади.

Олинган маълумотларга кўра, Бразилиянинг асосий вақтда ғалаба қозониш имконияти 54,2% ни ташкил этади. Норвегия терма жамоасининг ғалаба қозониш эҳтимоли 21,8% га тенг. Ўйиннинг қўшимча бўлимларга ва пенальтилар сериясига ўтиш эҳтимоли эса 24% ни ташкил қилмоқда.

1/16 финал босқичида Бразилия терма жамоаси Япониядан (2:1), Норвегия эса Кот-д`Ивуардан (2:1) устун келган эди.