Opta superkompyuteri 2026 yilgi jahon chempionati 1/8 finalidan o‘rin olgan Braziliya va Norvegiya terma jamoalari o‘rtasidagi o‘yinda kimning g‘alaba qozonish imkoniyatlari qanday ekanligini hisoblab chiqdi. Bu haqda Opta Analyst xabar berdi. Uchrashuv bugun, 5 iyul kuni bo‘lib o‘tadi.
Olingan ma’lumotlarga ko‘ra, Braziliyaning asosiy vaqtda g‘alaba qozonish imkoniyati 54,2% ni tashkil etadi. Norvegiya terma jamoasining g‘alaba qozonish ehtimoli 21,8% ga teng. O‘yinning qo‘shimcha bo‘limlarga va penaltilar seriyasiga o‘tish ehtimoli esa 24% ni tashkil qilmoqda.
1/16 final bosqichida Braziliya terma jamoasi Yaponiyadan (2:1), Norvegiya esa Kot-d`Ivuardan (2:1) ustun kelgan edi.
