«Ювентус»нинг собиқ футболчиси Карлос Тевес Турин клубининг ўтган мавсумдаги ўйини ҳақида ўз фикрлари билан ўртоқлашди.
«Мен «Ювентус»нинг ҳатто Чемпионлар лигасига ҳам йўл ололмаган фалокатли мавсумини кузатдим. Улар навбатдаги қайта қуриш учун яна бир йил сарфлашларига тўғри келади. Менга Спаллеттининг «Ювентус» мураббийи сифатидаги номзоди ёқмаяпти. Уни эҳтиросли мураббий деб ҳисобламайман, менга қони қайнаб турадиган мутахассислар ёқади. Мисол учун, Антонио Конте», — дея Тевеснинг сўзларини келтиради Николо Скира.
Эслатиб ўтамиз, 2025/26 йилги мавсум якунларига кўра, «Ювентус» А Серия турнир жадвалида олтинчи ўринни эгаллади. Жамоа янги мавсумда Европа Лигасида иштирок этади.
