Ҳужумчилар Килиан Мбаппе (Франция терма жамоаси), Лионель Месси (Аргентина) ва Эрлинг Холанд (Норвегия) Жаҳон чемпионати–2026 бошидан буён рақиблар дарвозасига еттитадан гол уришга муваффақ бўлишди.
Мбаппе, Месси ва Холанд ЖЧ-2026 тўпурарлар пойгасида 1-3-ўринларни бўлишиб туришибди.
Жаҳон чемпионатлари тарихида биринчи марта бир турнирнинг ўзида уч нафар футболчи камида еттитадан гол киритди.
Бунга қадар иккита турнирда уч нафардан футболчи олтитадан гол уришга эришган эди. ЖЧ-1954да бу натижани венгриялик Шандор Кочиш (11 та гол), швейцариялик Йозеф Хюги, германиялик Макс Морлок ва австриялик Эрих Пробст (ҳаммаси — олтитадан) қайд этган бўлса, ЖЧ-1958да франциялик Жюст Фонтен (13 та), бразилиялик Пеле ва германиялик Хельмут Ран (иккаласи ҳам — олтитадан) шундай кўрсаткичга эришган.
