Англия терма жамоаси ҳужумчиси Ҳарри Кейн жаҳон чемпионатларининг плей-офф босқичида урилган голлар сони бўйича жамоа рекордини бўлишиб турибди.

«Уч шерлар» сардори Мексикага қарши кечган 1/8 финал учрашувининг 60-дақиқасида пенальтини аниқ амалга оширди. «Бавария» ҳужумчисининг ушбу голи ғалаба келтирувчи бўлиб чиқди: қолган вақт ичида рақиблар битта тўп киритишга улгўришди, бироқ мағлубиятдан қутилиб қола олишмади ва ўз уйларида ўтаётган мундиални тарк этишди (2:3).

Squawka берган маълумотларга кўра, Кейн шу кундан эътиборан инглиз футболчилари ўртасида жаҳон чемпионатлари плей-офф босқичида гол уриш бўйича тарихдаги энг яхши кўрсаткичга эга бўлиб турибди — 6 та гол. Авваллари бу борада Гари Линекер ягона рекордчи эди.

Чорак финалда Англия терма жамоаси Норвегияга қарши майдонга тушади.