Angliya terma jamoasi hujumchisi Harri Keyn jahon chempionatlarining pley-off bosqichida urilgan gollar soni bo‘yicha jamoa rekordini bo‘lishib turibdi.
«Uch sherlar» sardori Meksikaga qarshi kechgan 1/8 final uchrashuvining 60-daqiqasida penaltini aniq amalga oshirdi. «Bavariya» hujumchisining ushbu goli g‘alaba keltiruvchi bo‘lib chiqdi: qolgan vaqt ichida raqiblar bitta to‘p kiritishga ulgo‘rishdi, biroq mag‘lubiyatdan qutilib qola olishmadi va o‘z uylarida o‘tayotgan mundialni tark etishdi (2:3).
Squawka bergan ma’lumotlarga ko‘ra, Keyn shu kundan e’tiboran ingliz futbolchilari o‘rtasida jahon chempionatlari pley-off bosqichida gol urish bo‘yicha tarixdagi eng yaxshi ko‘rsatkichga ega bo‘lib turibdi — 6 ta gol. Avvallari bu borada Gari Lineker yagona rekordchi edi.
Chorak finalda Angliya terma jamoasi Norvegiyaga qarshi maydonga tushadi.
