Бразилия терма жамоасининг собиқ футболчиси Фелипе Мело миллий жамоанинг Жаҳон чемпионати–2026даги муваффақиятсизлигига муносабат билдирди. Карло Анчелотти шогирдлари 1/8 финалда Норвегияга 1:2 ҳисобида имкониятни бой беришди.
«Бу Бразилия учун маҳзун тун. Мен жамоанинг мундиалнинг кейинги босқичига чиқишидан умид қилгандим. Бу ўтган шармандали 4 йиллик цикл учун тўланган бадалдир. Жуда ачинарли. Биз мундиалга қандай тайёргарлик кўрган бўлсак, шунга яраша жазомизни олдик», — дея Фелипе Мелонинг сўзларини келтиради Globo нашри.
Қайд этиш лозимки, Бразилия 1990 йилдан буён илк бор Жаҳон чемпионатининг чорак финалига чиқа олмади.
Мундиал 11 июндан 19 июлгача Шимолий Америка ҳудудида бўлиб ўтмоқда.
