Braziliya terma jamoasining sobiq futbolchisi Felipe Melo milliy jamoaning Jahon chempionati–2026dagi muvaffaqiyatsizligiga munosabat bildirdi. Karlo Anchelotti shogirdlari 1/8 finalda Norvegiyaga 1:2 hisobida imkoniyatni boy berishdi.
«Bu Braziliya uchun mahzun tun. Men jamoaning mundialning keyingi bosqichiga chiqishidan umid qilgandim. Bu o‘tgan sharmandali 4 yillik sikl uchun to‘langan badaldir. Juda achinarli. Biz mundialga qanday tayyorgarlik ko‘rgan bo‘lsak, shunga yarasha jazomizni oldik», — deya Felipe Meloning so‘zlarini keltiradi Globo nashri.
Qayd etish lozimki, Braziliya 1990 yildan buyon ilk bor Jahon chempionatining chorak finaliga chiqa olmadi.
Mundial 11 iyundan 19 iyulgacha Shimoliy Amerika hududida bo‘lib o‘tmoqda.
