Италиянинг «Милан» клуби 27 ёшли вингер Кристиан Пулишич билан меҳнат шартномасини узайтирмоқчи. Бу ҳақда инсайдер Николо Скира хабар бермоқда.

Манбанинг маълумотларига кўра, ҳозирда Пулишич йилига 4,5 миллион евро маош олмоқда ва маошининг 7-8 миллионгача оширилишини талаб қиляпти. Агар томонлар келишиб олишса, америкалик футболчининг янги шартномаси 2031 йилгача амал қилади.

Шу билан бирга, бундан олдин Пулишич МЛС клубидан сердаромад таклиф олгани хабар қилинган. «Нью-Йорк Сити» футболчига мавсум учун тахминан ўн миллион евро тўлашга тайёр.

Ўтган мавсумда Пулишич барча турнирларни ҳисобга олган ҳолда 34 та ўйинда майдонга тушиб, ўнта гол урди ва шерикларига тўртта голли узатма етказиб берди.

Ўйинчининг «Милан» билан амалдаги шартномаси кейинги ёзгача мўлжалланган.