АҚШнинг Бельгиядаги элчиси Билл Уайт Дональд Трамп Бельгияга қарши ўйин олдидан Фоларин Балогуннинг дисквалификациясини қолдириш ҳақидаги ФИФА қарорига таъсир ўтказмаганини маълум қилди.
АҚШ терма жамоаси ҳужумчиси ЖЧ-2026нинг 1/16 финали доирасида Босния ва Герцеговинага қарши кечган ўйинда (2:0) Тарик Мухаремовичнинг тўпиғини босиб олгани учун тўғридан-тўғри қизил карточка олган эди. Кейинчалик ФИФА Балогуннинг бир ўйинлик дисквалификациясини бир йиллик синов муддати билан тўхтатиб турди. Шу тариқа, ҳужумчи 1/8 финалда Бельгияга қарши майдонга туша оладиган бўлди.
Бундан олдин АҚШ Президенти Дональд Трамп ФИФА раҳбари Жанни Инфантинога икки марта — Балогун майдондан четлатилганидан кейин ва дисквалификация тўхтатиб турилганидан сўнг қўнғироқ қилгани хабар қилинган эди.
«Президент Трамп ҳеч қачон ФИФАнинг ички ишларига аралашмаган бўларди. У ФИФАга вазият ҳал бўлганидан кейин миннатдорчилик билдирди, холос.
Бутун дунёдаги аксарият футбол мухлислари учун ушбу қизил карточканинг асоссиз эканлиги мутлақо аён эди. Ўйинлар адолатли ўтишини таъминлаш учун Жаҳон чемпионати давомида бундай муҳим қарорларни қайта кўриб чиқиш фойдадан холи эмас.
Нотўғри қарорлар қабул қилиш учун мусобақада ўйин аҳамияти жуда юқори. Мен ФИФА комиссиясига ушбу хатони тўғирлашни лозим деб топгани учун миннатдорчилик билдираман, бу қарорни бошқа ҳеч ким эмас, айнан уларнинг ўзлари қабул қилишди. Бельгиядаги барча ватандошларимиз ушбу ўйинни интиқлик билан кутишмоқда. Кучлиси ғолиб бўлсин!», — деб ёзди Уайт ўз Twitter (X) саҳифасида.
