Ҳаваскорлар ўртасидаги Тошкент шаҳар биринчилиги баҳслари якунига етди. Мусобақа якунига кўра, «СҚБ-Юнусобод»га тенг келадиган жамоа топилмади.
Мусобақанинг финал учрашувида «СҚБ-Юнусобод» ўйинчилари биринчилик ғолиблигига энг асосий даъвогар – «Uzpromstroybank»ни мағлуб этишга муваффақ бўлишди.
Ўйин давомида ҳисобда ортда борганликларига қарамай, учрашув сўнггида «СҚБ-Юнусобод» ҳисобни тенглаштиришга ва ўйинни қўшимча вақтларга олиб чиқишга муваффақ бўлишди.
Шундан сўнг, руҳий устунликни қўлга киритган «юнусободликлар» экстра-таймларда яна иккита самарали ҳужум ташкил этиб, якунда 3:1 ҳисобида ғалаба қозонишди.
Мусобақанинг бронза медаллари учун баҳсда «Дўстлик» жамоаси «DHL» устидан 2:1 ҳисобида ғалабага эришди.
Ҳаваскорлар ўртасидаги Тошкент шаҳар биринчилиги
8 сентябрь, якшанба
7-ўрин учун баҳс
Чоштепа – Про-ДЖ 2:10
5-ўрин учун баҳс
ЎзДТВ – EastRoad3:5
3-ўрин учун баҳс
Дўстлик – DHL2:1
ФИНАЛ
Uzpromstroybank – СҚБ-Юнусобод 1:3
