Бельгия терма жамоаси ярим ҳимоячиси Доди Лукебакио Жаҳон чемпионати — 2026 нинг 1/8 финал учрашуви олдидан АҚШ терма жамоаси ҳужумчиси Фоларин Балогуннинг дисквалификацияси тўхтатилгани ҳақида фикр билдирди.
«Биз эътиборимизни бунга қаратганимиз йўқ. Унинг майдонга тушишига қандай рухсат берилгани тушунарсиз бўлди, лекин, биринчи навбатда, жамоамиз ўз ўйинига диққат қаратган эди. Биз ғалаба қозона олдик ва ўзимиздан фахрланамиз. Терма жамоамиз ушбу вазиятга майдонда жавоб қайтарди», — дея ярим ҳимоячининг сўзларини келтиради HLN.be.
Учрашув Бельгиянинг 4:1 ҳисобидаги йирик ғалабаси билан якунланди. Руди Гарсия шогирдлари чорак финалга йўл олишди ва у ерда Испания терма жамоасига қарши майдонга тушишади.
