Бразилия терма жамоаси ҳужумчиси Винисиус Жуниор миллий жамоанинг Жаҳон чемпионати — 2026 ни тарк этгани ҳақида фикр билдирди. 1/8 финал учрашувида «селесао» Норвегияга 1:2 ҳисобида имкониятни бой берди.
«Бундай натижага рози бўлиш жуда қийин. Бу учрашувда ўзимни энг яхши томонлама кўрсата олмадим. Терма жамоамизни қўллаб-қувватлаган мухлислардан узр сўрамоқчиман. Биз таслим бўлиш ниятида эмасмиз, олдинга ҳаракат қилишда давом этамиз. Бразилияни жаҳон футболи чўққисига қайтариш учун ҳали кўп меҳнат қилишимиз керак», — дея Жуниорнинг сўзларини келтиради Globo нашри.
Таъкидлаш жоизки, Бразилия терма жамоаси охирги 36 йил ичида илк бор мундиалнинг 1/4 финалига чиқа олмади.
