Эрон терма жамоаси АҚШ терма жамоасининг Жаҳон чемпионати 1/8 финалида Бельгиядан учраган мағлубиятига муносабат билдирди. Эслатиб ўтамиз, бельгияликлар рақибни 4:1 ҳисобида тор-мор этди.

Эрон футбол федерацияси Бельгиянинг Эрон ва АҚШга қарши ўйинлари натижалари акс этган скриншотни жойлаштирди. Эслатиб ўтамиз, ислом республикаси жамоаси гуруҳ босқичида бельгияликлар билан 0:0 ҳисобида дуранг ўйнаган эди.

«Сиёсатнинг футболдан учраган шармандали мағлубиятидан кейин бутун дунё қувонмоқда», — дейилади пост тагидаги изоҳда.

Эрон терма жамоаси турнирда мисли кўрилмаган чекловларга дуч келди. Эронликларнинг машғулот лагери Мексикада жойлашган эди ва футболчилар ҳар бир ўйин учун АҚШга учиб боришга мажбур бўлишди. Шу билан бирга, АҚШ ҳукумати уларга фақат ўйиндан бир кун олдин мамлакатга киришга рухсат берди ва фақат Бельгия билан учрашув олдидан бундан мустасно ҳолат қилинди.