Аргентина терма жамоаси бош мураббийи Лионель Скалони ЖЧ-2026 1/8 финали доирасида Миср терма жамоаси устидан қозонилган ғалаба ҳақида фикр билдирди.

Аргентиналиклар 79-дақиқагача 0:2 ҳисобида мағлуб бўлишаётган эди, бироқ ҳисобни тенглаштириб, ғалабани илиб кетишга муваффақ бўлишди. Скалони ўйиндан кейинги интервью вақтида кўз ёшларини тия олмай, суҳбатни яримида қолдириб кетди.

«Миср — жуда яхши жамоа, лекин бутун ўйин давомида ташаббус биз томонда бўлди деб ҳис қиляпман. Мағлуб бўлишнинг турли йўллари бор, аммо бу жамоа доимо охиригача курашади. Мен ҳамиша ҳиссиётларга берилувчанман. Бундай туйғуларни бошдан кечириш — ақл бовар қилмас даражада ажойиб. Бугун бизни тоблайдиган шундай синовлардан бири бўлди. Жамоамизнинг характери шундай: ишларимиз ёмонлашганда, майдонда бор кучимизни берамиз. Қайсидир паллада бизда имконият пайдо бўлишини ва ўйин тақдирини ўзгартира олишимизни сезиб тургандим», — дея Скалонининг сўзларидан иқтибос келтиради Аргентина терма жамоаси матбуот хизмати.

Жаҳон чемпионатининг чорак финалида Аргентина Швейцарияга против майдонга тушади. Учрашув 12 июль куни Тошкент вақти билан соат 06:00 да бошланади.