Швеция терма жамоаси собиқ ҳужумчиси Златан Ибраҳимович Аргентина терма жамоаси форварди Лионель Мессининг ЖЧ-2026 турниридаги ўйини ҳақида ўз фикрлари билан ўртоқлашди.
7 июль куни Аргентина ЖЧ-2026 1/8 финалида Миср устидан иродали ғалабага (3:2) эришди.
79-дақиқагача жанубий америкаликлар 0:2 ҳисобида мағлуб бўлишаётган эди, шундан сўнг рақиб дарвозасини уч бор ишғол этиб, чорак финалга йўл олишди. 39 ёшли Лионель Месси учрашувда битта голли узатмани амалга оширди ва битта гол урди.
"Месси — ҳақиқий йиртқич. Ҳеч ким унга яқинлаша олмайди. У бутун ўйин давомида қаршилик кўрсатди ва жанг қилди. Бугун биз кўрган нарса — биз кўришга ўрганиб қолган ва кўришда давом этаётган ўша маҳлуқдир. У жаҳон чемпионатида ғолиб чиққан, "Олтин тўп"лар ва бошқа кўплаб совринларни қўлга киритган, у ҳамма нарсани ютган. Унда ҳамма нарса бор, лекин у курашишда давом этмоқда", — дея Ибраҳимовичнинг сўзларидан иқтибос келтиради Fox Sports.
