Ла-Коруньянинг «Депортиво» клуби «Бавария» ярим ҳимоячиси Жонатан Асп Йенсеннинг трансфери бўйича келишувни якунлади. Бу ҳақда журналист Фабрицио Романо хабар берди.

Манбага кўра, келишув суммаси 6 миллион еврони ташкил қилади. Даниялик футболчи испан клуби билан 5 йиллик шартнома имзолайди. Томонлар ўртасидаги ўтишнинг барча тафсилотлари аллақачон келишиб олинган.

Ўтган мавсумда Йенсен ижара асосида Швейцариянинг «Грассхоппер» клубида ўйнади. У клуб миқёсида 40 та ўйинда майдонга тушиб, 9 та гол урди ва 6 та голли узатмани амалга оширди.

Аввалроқ, 20 ёшли футболчининг хизматларига Италиянинг «Лацио» клуби қизиқиш билдираётгани ҳақида хабар берилган эди.