«Барселона» ва Испания терма жамоаси ҳужумчиси Ламин Ямаль Мадриднинг «Атлетико» клуби форварди Хулиан Альвареснинг барибир унинг жамоадошига айланишига умид билдирди. Ямальнинг сўзларига кўра, аргентиналик футболчи каталонияликлар услубига жуда мос тушади.
«Хулианнинг «Барселона»га ўтишига жуда умид қиламан. Уни қучоқ очиб кутаман», — дея футболчининг сўзларини келтиради инсайдер Фабрицио Романо.
Альвареснинг «Атлетико» билан амалдаги шартномаси 2030 йилнинг 30 июнигача мўлжалланган. Унинг бозор қиймати 100 миллион еврони ташкил этади.
Transfermarkt портали баҳосига кўра, 26 ёшли футболчининг «Барселона»га ўтиш эҳтимоли 60% ни ташкил қилмоқда.
