ЖЧ-2026 1/8 финалидан ўрин олган Аргентина ва Миср терма жамоалари ўртасидаги учрашувнинг бош ҳаками Франсуа Летексье ўйинни юқори савияда бошқариб борди ва унга ҳамда ВАР ишига ҳеч қандай эътироз йўқ.
Бу ҳақда журналистларга ФИФА ҳакамлар қўмитаси раиси Пьерлуижи Коллина маълум қилди. У энг кўп саволларни келтириб чиқарган иккита вазиятни таҳлил қилди: Мисрнинг бекор қилинган голидан олдин Марван Аттиа томонидан содир этилган қоидабузарлик ва аргентиналиклар жарима майдончасида Хулиан Альварес ҳамда Муҳаммад Салаҳ ўртасидаги кураш.
Коллинанинг сўзларига кўра, Аттиа Лисандро Мартинеснинг оёғини аниқ босиб олган. У ВАР қоидабузарлик билан гол урилган вақт оралиғини ёки масофани ҳисобга олмаслигини, балки ҳужум фазасини тўлиқ ўрганишини таъкидлади.
«Муҳаммад Салоҳ ва Хулиан Альварес иштирокидаги вазиятни ҳакам ва ВАР тизимидаги судьялар оддий футбол контактлари деб ҳисоблашди», — дея Коллинанинг сўзларидан иқтибос келтиради ФИФА матбуот хизмати.
Италиялик мутахассис ҳар қандай талқинга барибир инсоний омил таъсир қилишини тан олди, аммо Жаҳон чемпионатидаги ҳакамларнинг ишига эътирози йўқлигини қўшимча қилди.
