Дортмунднинг «Боруссия» клуби президенти Ханс-Йоахим Ватцке «Манчестер Сити»нинг норвегиялик ҳужумчиси Эрлинг Холанднинг келажаги ҳақида гапирди.

«Эрлинг Мадриднинг «Реал» клубини яхши кўради ва буни яшириб ўтирмайди. Менимча, қачондир, икки-уч йилдан кейин у ўша ерда ўйнайди. Аммо ҳозир эмас. Унинг вақти ҳали келади», — дея Ватцкенинг сўзларини келтиради AS нашри.

Қайд этиш лозимки, Норвегия терма жамоаси ўз тарихида илк бор Жаҳон чемпионатининг 1/4 финалига йўл олди ва у ерда Англияга қарши баҳс олиб боради. Холанд турнирдаги 4 та ўйинда 7 та гол ва 1 та голли узатмани ўз ҳисобига ёздириб қўйди.