Марокаш терма жамоаси бош мураббийи Моҳамед Уаби ЖЧ-2026 доирасидаги Францияга қарши ўйин олдидан матбуот анжуманида чиқиш қилди. Чорак финал учрашуви 9 июль куни бўлиб ўтади ва бу ўйин ЖЧ-2022 ярим финалининг такрорига айланади.
«Биз натижаларни фақат турнир якунланганидан кейин сарҳисоб қиламиз. Ҳозир ҳеч нарса демоқчи эмасман, чунки биз бундан ҳам кўпроғига эриша оламиз. Биз қилган ишларимизни аллақачон ажойиб деб айтаётган одамларга қулоқ солмоқчи эмасмиз», — дея мураббийнинг сўзларини келтиради ФИФА матбуот хизмати.
Мураббий Франция фаворит эканлигини тан олди, бироқ ўз жамоасининг мақсадлари юқори эканлигини таъкидлади.
«Франция — фаворит, аммо биз ғалаба қозониш ва ярим финалга чиқиш учун бор имкониятимизни ишга соламиз. Менга "биз аллақачон яхши қатнашдик, қолгани эса бонус" деган фикр ёқмайди. Йўқ. Жаҳон чемпионатида ғолиб чиқиш бонус бўлади. Биз айнан шундай кайфият билан ушбу босқичгача етиб келдик ва янада олдинга интилишни мақсад қилганмиз».
Франция ва Марокаш ўртасидаги учрашув Тошент вақти билан соат 01:00 да бошланади. Ушбу баҳс ғолиби мундиал ярим финалида Англия — Норвегия жуфтлиги ғолиби билан тўқнаш келади.
