Marokash terma jamoasi bosh murabbiyi Mohamed Uabi JCH-2026 doirasidagi Fransiyaga qarshi o‘yin oldidan matbuot anjumanida chiqish qildi. Chorak final uchrashuvi 9 iyul kuni bo‘lib o‘tadi va bu o‘yin JCH-2022 yarim finalining takroriga aylanadi.
«Biz natijalarni faqat turnir yakunlanganidan keyin sarhisob qilamiz. Hozir hech narsa demoqchi emasman, chunki biz bundan ham ko‘prog‘iga erisha olamiz. Biz qilgan ishlarimizni allaqachon ajoyib deb aytayotgan odamlarga quloq solmoqchi emasmiz», — deya murabbiyning so‘zlarini keltiradi FIFA matbuot xizmati.
Murabbiy Fransiya favorit ekanligini tan oldi, biroq o‘z jamoasining maqsadlari yuqori ekanligini ta’kidladi.
«Fransiya — favorit, ammo biz g‘alaba qozonish va yarim finalga chiqish uchun bor imkoniyatimizni ishga solamiz. Menga "biz allaqachon yaxshi qatnashdik, qolgani esa bonus" degan fikr yoqmaydi. Yo‘q. Jahon chempionatida g‘olib chiqish bonus bo‘ladi. Biz aynan shunday kayfiyat bilan ushbu bosqichgacha yetib keldik va yanada oldinga intilishni maqsad qilganmiz».
Fransiya va Marokash o‘rtasidagi uchrashuv Toshent vaqti bilan soat 01:00 da boshlanadi. Ushbu bahs g‘olibi mundial yarim finalida Angliya — Norvegiya juftligi g‘olibi bilan to‘qnash keladi.
