Испаниялик ҳимоячи Марио Хила яқин вақт ичида «Лацио»дан «Милан»га ўтиши кутилмоқда. Бу ҳақда инсайдери Фабрицио Романо хабар берди.
Манбага кўра, 25 ёшли футболчининг трансфер қиймати 30 миллион еврони ташкил этади. Ушбу сумманинг 15 миллион евроси Мадриднинг «Реал» клубига тегишли бўлади.
Марио«Реал» тарбияланувчиси ҳисобланади. У 2022 йил ёзида «Лацио»га ўтганида тузилган шартномага кўра, мадридликлар футболчининг кейинги трансферидан тушадиган маблағнинг 50 фоизини олиш ҳуқуқини сақлаб қолган.
Хабар қилинишича, Хила яқин дам олиш кунлари тиббий кўрикдан ўтгач, «Милан» билан расмий шартнома имзолайди.
Испаниялик ҳимоячининг «Лацио» билан амалдаги шартномаси келаси ёзда ўз якунига етади.
