Испания терма жамоаси ярим ҳимоячиси Микель Мерино Бельгия дарвозасига киритган ғалаба голидан сўнг ўз фикрлари билан ўртоқлашди.
Жаҳон чемпионати – 2026 чорак финал учрашуви испанияликларнинг 2:1 ҳисобидаги ғалабаси билан якунланди. Мерино кетма-кет иккинчи ўйинда захирадан майдонга тушди ва ўйин охирида ҳал қилувчи голни урди.
«Ўзим ҳам бунга ишона олмаяпман. Биринчи мартасидан кейин бу ҳолат бошқа такрорланмаса керак деб ўйлагандим, лекин бу яна содир бўлди. Омадга ишонаман, аммо бу шунчаки омад деб ўйламайман. Гап шундаки, майдонга тушганингда доимо охиригача ўйнашинг керак. Шунинг учун, сўнгги дақиқалардаги голларимдан ажабланманг, чунки мен ҳар доим диққат-эътиборимни жамлаган бўламан», — деди Мерино ўйиндан сўнг журналистларга.
Мерино жорий турнирдаги барча олтита ўйинда иштирок этди ва иккита гол урди.
Ярим финалда Испания терма жамоаси Франция билан тўқнаш келади. Учрашув 14-июл кунига белгиланган.
